Sa pagtapos sang Philippine Military Academy Class of 2026, ginpahanumdoman ni Ferdinand Marcos Jr. sa mga kadete nga ang ila katampad ang para sa Konstitusyon kag indi sa bisan ano nga interes pampulitika, indibidwal, ukon ideolohiya.
Ginpabutyag sang Commander-in-Chief nga ang mga bag-o nga opisyal kinahanglan magkabuhi suno sa prinsipyo nga “never lie, never cheat, never steal and never tolerate those who do.”
Suno kay Marcos Jr., ang paghipos ukon pagpahipos sa atubang sang sala isa ka porma sang pagtraydor sa mga prinsipyo sang serbisyo, sa pungsod, kag sa ila mismo nga promisa.
Dugang pa niya, ang integridad kag katamtad amu ang pundasyon sang matuod nga serbisyo publiko kag dapat mangin giya sang kada opisyal sa pagtuman sang ila katungdanan.
Ginpangamusta man sang Presidente ang mga nagtapos kag gin-agda sila nga mangin ehemplo sang kaisog kag dedikasyon sa pagpanalipod sang soberanya sang pungsod.
Sa iya nga speech, hugot sini nga ginpaathag nga ang matuod nga pagpanguna nagahalin sa prinsipyo sang Konstitusyon kag sa wala ginapanumdom ang kaugalingon sa paghatag sang serbisyo sa mga pumuluyo nga Pilipino.
