ROXAS CITY – Wala sa gihapon sang may napilian si Presidente Bongbong Marcos nga magabulos bilang tiglikom sang Department of Education (DepEd) suno sa Palasyo sang Malacañang.
Ini ang kasunod sang pag-resign ni Vice President Sara Duterte bilang tiglikom sang DepEd kag Vice Chairperson sang NTF-ELCAC.
Paathag ni Presidential Communications Office (PCO) Secretary Cheloy Garafil, nagapabilin sa gihapon nga tiglikom sang DepEd si VP Sara bangud sa July 19 pa mangin epektibo ang iya nga resignation.
Matandaan nga nakasaad sa resignation letter ni VP Sara nga may 30 diyas nga transition para sa bag-o nga secretary sang DepEd.
Una na nga ginpahayag sang DepEd nga nakatutok sila subong sa transition sang liderato sang ahensya kag indi sila anay maghatag sang anuman nga detalye.
