All-set na ang mga katapo sang Philippine Coast Guard (PCG) Capiz para sa pagbantay kag pagsiguro sang kaluwasan sang tagsa ka mga pasahero nga magabiyahe sa tion sang Semana Santa.
Sa interview sang Bombo Radyo kay Senior Chief Petty Officer Arnel O. Nisola, PCG Chief Master-at-Arms sang Coast Guard Station Capiz, iya ginpahayag nga may yara sila sang ipahamtang nga siya ka mga passenger assistant help desk, kag 78 ka mga personnels sa bug-os nga probinsya sang Capiz.
Suno kay Nisola, mas pasangkaron sang PCG ang monitoring kag assistance operations sa mga pantalan samtang magapatigayon man sang strikto nga inspeksyon ang Coast Guard K9 units sa mga sea vessels kag bagahe agud masiguro ang kaluwasan sang mga pasahero.
Dugang pa niya, pagabawalan man nila ang pila ka mga colorum motor banca nga magabiyahe sa tion sang Semana Santa.
Pahayag pa niya, maga-deploy man ang ila nga talatapan sang mga personnel sa mga beach resorts kag coastal areas sa Capiz agud masiguro ang kaluwasan sang mga nagabisita kag magapaligo sa amo nga panahon.
Nagapanawagan man ang PCG-Capiz sa publiko nga magkooperar kag magsunod sa mga ginapatuman nga safety protocols agud malikawan ang anuman nga insidente subong nga tion Semana Santa.
