ROXAS CITY – Hugot nga gina-monitor sang mga katapo sang Philippine Coast Guard ang mga nagaabot nga mga pasahero sa Culasi Port sa Barangay Culasi, Roxas City bangud sang pamahog sang coronavirus disease (COVID-19).
Ini ang ginpahayag ni PCG-Capiz Station Commander Edison Diaz sang mainterview sang Bombo Radyo.
Suno kay Diaz nga apisar nga may yara sang lockdown sa Metro Manila sang sea travel, padayon nga nagaabot ang mga pasahero sa nasambit nga puerto gikan sa mga barko nga may biyahe Batangas-Roxas vice versa.
Ginpahayag sini nga kaupod nila sa amo nga lihok amo ang Philippine Ports Authority.
Suno kay Diaz nga may yara sila sang ginagamit nga thermal gun scanner agud mahibaluan ang body temperature sang mga nagaalabutan nga mga pasahero.
Suno diri nga ang mga pasahero nga nagaabot sa nasambit nga puerto ang may yara man sang gina-presentar nga Health Declaration Checklist.
Diri suno sa opisyal nasaad kun may yara sang travel history sa mga pungsod nga apektado sang COVID-19 ang isa ka pasahero kag napagkit man kun may ginabatyag sila nga mga sintomas sang nasambit nga balatian.
Ginpasiguro ni Diaz nga wala sila naga-untat sa ila mga lihok bilang kontribusyon sa kampanya agud mapunggan nga makasulod ang amo nga balatian sa probinsiya sang Capiz.
