Nagpahanumdom sang hugot nga paghalong sa mga beach goer subong nga tig-ilinit.
Sa interview sang Bombo Radyo kay Senior Chief Petty Officer Arnel Nisola, iya ginpahayag nga nakadeploy na ang tanan nga katapo sang ila talatapan sa palibot sang baybayon sa syudad sang Roxas kag probinsya sang Capiz.
Suno kay Nisola, nagpakig-angot man sila sa mga beach resort nga masami nga ginakadtuan sang magpamilya agud nga maligo.
Pahayag pa niya, padayon man ang paglibot sang mga designated personnel sang kada sub-station sa mga coastal area bilang kabahin sang intensified visibility agud masiguro man ang kahilwayan sang mga pilion nga sa baybayon.
Dugang pa niya, kinahanglan nga may bantay ang mga kabataan nga nagapaligo sa tanan nga oras kag hugot man nga ginapanugyan ang paglikaw sa pagpaligo sa dagat ukon swimming pool kun yara sa impluwensya sang makahulubog nga ilimnon.
Nagpanawagan man ang natungdan sang kooperasyon sa publiko agud mapabilin ang kahilwayan kag malikawan ang ano man nga sahi sang insidente.
