ROXAS CITY – Nagpananaog sang temporaryo nga pag-untat sa byahe sa tanan nga sakayan sa pantalan sang Barangay Culasi, ang Philippine Coast Guard Capiz bangud sa posible epekto sang Bagyong Egay.
Sa interview sang Bombo Radyo kay PO1st Gerald Rodriguez Operation Officer sang Philippine Coast Guard Capiz, ginpahayag sini nga naka-alerto ang ila hanay agud magbantay sa lakat sang tyempo kag ipabilin ang seguridad sa tanan nga pumuluyo ilabi na ang yara malapit sa kadagatan.
Hugot man suno diri nga ginadumilian nga magpalawod ang mga mangingisda ilabi na ang may magagmay nga sakayan bangud tuman ka delikado kag posible magresulta sa aksidente.
Ginapahibalo man ni Rodriguez sa tanan nga biyahero nga temporaryo nga wala sang byahe ang pantalan para sa kaluwasan sang tanan nga mga pasahero.
