-- ADVERTISEMENT --
Naka-alerto sa gihapon ang Philippine Coast Guard-Capiz sa posible nga epekto sang Bagyong Inday sa probinsya.
Sa interview sang Bombo Radyo kay Senior Chief Petty Officer Arnel Nisola, Chief Master at Arms sang Philippine Coast Guard-Capiz, iya ginpahayag nga naka-standby ang ila mga personnel sa nagkalain-lain nga mga lugar sa probinsya agud nga magresponde sa bisan ano nga emerhensya nga tuga sang bagyo inday.
Suno kay Nisola, ginadumilian ang mga tag-iya kag operator sang magagmay nga sakayang pandagat nga magpalawod samtang nagapabilin ang malain nga panahon.
Dugang pa sang natungdan, wala naman sang may na-record nga na-stranded nga pasahero ukon sakayan sa probinsya sang Capiz.
