-- ADVERTISEMENT --
ROXAS CITY – Ginpahayag ni PCG Capiz Commander Lt. Edison Diaz nga wala sang may nabaton nga report ang ila talatapan nahanungod sa ginaalegar may nakasulod nga mga baboy sa probinsya nga wala sang permit.
Suno kay Diaz nga matapos nga nagpatawag sang meeting ang Bureau of Quarantine kaupod ang Coast Guard Capiz wala na gina-allow nga makasulod sa probinsya ang mga baboy nga wala sang nagakaigo nga permit.
Gin-athag man sini nga naga-assist lamang ang Coast Guard sa mga personnel sang Quarantine nga amo ang nagatsekyar sang mga baboy kag nagahatag sang veterinary permit.
Ginpanginwala sini nga may nakasulod sa Capiz nga mga baboy nagikan sa Bohol kag magapabilin ini nga alegasyon tubtob wala may nag-abot nga report sa ila talatapan.
