ROXAS CITY -Aminado ang mga Substation Commander sang Philippine Coast Guard Dumangas nga wala na gina inspection ang mga trucking nga nagadungka sa Dumangas Port, Dumangas, Iloilo.
Ini ang ginpahayag ni Chief Petty Officer Romulo Sancio, Sub-station sang PCG Dumangas Port.
Suno kay Sancio nga wala na nila gina-inspection ang mga bagahe sang mga nagadungka nga mga trucking sa nasambit nga puwerto bangud nagalaum sila nga ginatsekyar na ini sa puwerto nga ila nga ginhalinan.
Apang gin-athag ni Sancio nga nagapatigayon man sila sang inspection sa tion nga may yara sang nagpalab-ut sang impormasyon nga may yara sang karga nga kontrabando ang nasambit nga trucking.
Dugang pa sang opisyal nga plain view inspection gid lamang ang ila mahimo bangud indi man mapuwersa nga buksan kag tan-awon ang unod sang bagahe sa nasambit nga mga trucking.
Aminado man ini nga ginagamit lamang ang K-9 units kun may yara sang mga special operations
