PCG, gin-deploy ang mga asset para sa seguridad sang mga mangingisda sa Scarborough Shoal

Gin-deploy sang Philippine Coast Guard (PCG) ang pila ka mga air kag water asset sini agud maghatag sang seguridad kag suporta sa ginabanta nga 40 tubtob 50 ka mga Filipino fishing boat nga yara sa palibot sang Scarborough Shoal ukon Bajo de Masinloc.

Suno sa PCG, halin Enero 26 ginpatuman ang deployment sang tatlo ka mga sakayang pandagat kag isa ka sakayang panghimpapawid agud magbantay kag magprotektar sa sakayan sang mga mangingisda nga naghalin sa Zambales, Bataan, Pangasinan, kag Mindoro.

Dugang pa sang PCG, ginbaton man sang mga mangingisda ang pila ka mga subsidy, lakip na ang mga basic necessities, sa ila pang-adlaw-adlaw nga panginahanglanon samtang naga-layag sa amo nga lugar.