PCG, ginklaro nga wala sang may nakita nga oil leakage sa SL SUAL 1 nga naglugdang sa kadagatan sang Zambales

Ginkumpirma sang Philippine Coast Guard ukon PCG nga wala sang may nakita nga oil leakage sa SL SUAL 1 nga may karga nga 15,000 ka litro sang diesel nga naglugdang sa kadagatan sang Botolan, Zambales sang Agosto 24.

Suno sa PCG, wala may nahalitan nga fuel tank sa tugboat kag wala man sang nakita nga diesel sa shoreline kag sa lugar sa diin naglundang ang amo nga tugboat.

Nagpatigayon man sang water sampling ang PCG kag Department of Environment and Natural Resources ukon DENR agud masiguro nga wala sang nag-leak nga langis.

Samtang, gin-inspeksyon sang diving team ang tugboat nga naglugdang sa halos 24 metros nga kadalumon agud mahibaluan ang husto nga pamaagi para sa salvage operation ukon kun paano ini i-refloat.