-- ADVERTISEMENT --
Hugot nga ginabantayan sang Philippine Coast Guard (PCG) iligal nga aktibidad nga “paihi” sa mga kalalawran sang bug-os nga pungsod.
Suno kay PCG Spokesperson Commodore Noemie Cayabyab, masami nga nagakatabo sa anchorage area kada kaagahon ang pagpabaya ukon pagpalong sang Automatic Identification System (AIS) sang mga tripulante antes mag-operate kaupod ang magagmay nga mga bangka.
Bangud sini, ginpabaskog sang Philippine Coast Guard ang ila monitoring kag enforcement operations agud matumod kag mapunggan ang amo nga mga aktibidad.
