Pabaskugon sang Philippine Coast Guard (PCG) ang ila mga operasyon para sa kaluwasan kag seguridad sa bilog nga pungsod bangud sa ginapaabot nga pagbiyahe sang kapin sa 1.5 tubtob 2 milyon ka pasahero nga magapauli sa ila tagsa ka probinsya sa tion sang Undas 2026.
Gintugyan ni PCG Spokesperson Commodore Noemie Cayabyab sa tanan nga 17 ka Coast Guard Districts ang pagpatuman sang Oplan Biyaheng Ayos: Undas 2026 halin Oktubre 29 tubtob Nobyembre 3.
Lakip sa mga tikang nga pagahimuon ang hugot nga inspeksyon sa mga barko kag iban pa nga sakayang pandagat agud mapunggan ang sobra nga pagsakay sang mga pasahero, pagpatigayon sang maritime patrols, kag pagpreparar sang mga response group kag medical team para sa mga emerhensya.
Magahatag man sang suporta ang PCG sa mga Malasakit Help Desk sang Department of Transportation (DOTr) agud mabuligan ang mga pasahero nga may problema ukon kabudlayan sa ila pagbiyahe.
Pinaagi sa sini nga mga tikang, tinguhaan sang PCG nga masiguro ang hilway kag luwas nga pagbiyahe sang mga pasahero kag malab-ot ang zero-casualty nga pagdumdom sa Undas 2026.
