MANILA, Philippines – Naglunsar sang separado nga imbestigasyon ang Philippine Coast Guard (PCG), matapos nadakpan ang anum ka mga personnel sini bangud sa ginaalegar pagpalusot sang sigarilyo sa Misamis Oriental.
Suno sa PCG, hugot sini nga ginapakamalaut ang anuman nga iligal nga aktibidad kag nagapakig-angot sa Philippine National Police (PNP), para sa maid-id nga imbestigasyon.
Ginpahayag nga nadakpan ang mga suspetsado samtang nagadiskarga sang mga kahon sang sigarilyo nga ginabulubanta nagabalor sang masobra P3 milyones.
Dugang naman sang PCG nga wala nila ginakunsinte ang kaangay nga buhat kag padayon nga tipigan ang integridad sang organisasyon.
Samtang nagpasalig naman ang PNP nga pasabton ang mga imbolbado kag posible kaupod sa nasambit nga operasyon.
