ROXAS CITY – Gintadlong sang bise presidente sang Philippine Councilor’s League (PCL) Capiz chapter nga indi opisyal nga miyembro sang National PCL ang tatlo ka mga pasahero nga nagviral sa social media matapos ginsukot sang mahal nga pamasahe sang ila ginsakyan nga tricycle driver.
Ginhimo ni Sangguniang Bayan Member Ferdinand Baguio ang pahayag agud klaruhon ang mga impormasyon nga indi kabahin sang delegado nga gikan sa national PCL ang tatlo kundi mga suppliers ukon negosyante lamang sila nga nagabaligya sang mga tshirt, jacket kag sticker sang PCL
Ginahayag ni Baguio nga antes ginpatigayon ang eleksyon sang nagligad nga Lunes, nagpakig-angut na ini sa national secretariat sang PCL kag ginpamangkot kun pila ang magaabot agud ila mapreparahan sang hotel room.
Ginpanindugan sang opisyal nga tanan nga nangin kabahin sang PCL national ang ginsugat kag gin-akomodar.
Samtang kasubong sa iya pagpati suno kay Baguio dapat mapaintiende sa mga drivers sang tricycle nga kun magsukot sila sang pamasahe dapat nga santu ini sa napagkit sa taripa.
