Ginpanindugan sang Presidential Communications Office (PCO) nga indi para protektahan si Ferdinand Marcos Jr. ang ginlunsyar nga ‘Oplan Kontra Fake News.’
Ginpahayag ni Dave Gomez nga ang nagapanguna nga katuyoan sang inisyatibo amu ang proteheran ang kaayuhan sang publiko batuk sa nagalapta nga mga malain kag indi matuod nga impormasyon.
Suno sa iya, antes pa man maggwa ang mga isyu parte sa kahimtangan sang Presidente kag sa gyera sa Middle East, naga-monitor na ang ila opisina sa mga nagalapta nga fake news sa online platforms.
Dugang pa ni Gomez nga ginakabalak-an nila nga ang paglapta sang fake news mahimo magtuga sang kahadlok ukon panic sa publiko labi na sa tion sang kalamidad kag iban pa nga national emergencies.
Samtang subong nga adlaw, kaupod sanday Frederick Vida sang Department of Justice kag Henry Aguda sang Department of Information and Communications Technology, ginpirmahan ang isa ka kasugtanan agud pabakuron ang kampanya kontra fake news.
