Nagaamat-amat na hubas ang mga baha nga nagluntad sa pila ka mga kabanwahanan sa probinsya sang Capiz tuga sang pag-inulan nga dala sang bagyong Kristine suno sa Capiz Provincial Disaster Risk Reduction and Management Office.
Sa interview sang Bombo Radyo kay Atty. Sheila Artillero Local Disaster Risk Reduction and Management Officer sang probinsya, may pila ka mga nabalhag nga evacuees sa syudad sang Roxas kag banwa sang Pilar apang sa karon, nagpalauli naman ang mga ini sa tagsa man nila ka mga puluy-an.
Nahibaluan nga 17 ka mga kabanwahanan sang probinsya ang nagdeklarar sang class suspension sang tinalikdan nga adlaw sang Miyerkules, Oktubre 23 bangud ginbatak ang probinsya sa Tropical Cyclone Wind Signal No. 1.
Samtang, ginkabig naman nga “low risk” ang probinsya ikumparar sa iban nga lugar apang sun okay Artillero indi kita magpakampante apisar nagtawhay ang panyempo bangud ara gihapon ang nasambit nga bagyo kag yara gihapon ang Capiz sa idalom sang Signal no.1
Nahibaluan nga sa adlaw pa sang Biyernes, Oktubre 25 magaguwa ang bagyo.
Panugyan ni Artillero sa mga pumuluyo, magpabilin nga alerto, mangin updated natuhoy sa lakat sang panyempo kag sa mga kinahanglan nga mag-evacuate, gilayon na nga magpadulong sa mga evacuation centers para sa kaluwasan sang tanan.
