PDL’S nga mga suspek sa na-rekober nga ginaalegar iligal nga droga sa CRC ginpaidalum sa drug test

ROXAS CITY – Ginpaidalum na sa drug test ang mga Person Deprived of Liberty (PDL’s) nga ginadudahan may kaangtanan sa na-rekober nga ginapatihan iligal nga droga sa Capiz Rehabilitation Center (CRC).

Ini ang ginkumpirmar ni Jail Warden Arjuna Yngcong sang mainterview sang Bombo Radyo.

Suno kay Yngcong, nag-negatibo na ang duha ka PDL’s samtang ginahulat pa ang kumpirmasyon sang resulta sang iban nagikan sa Department of Health (DOH).

Wala ginadula ni Yngcong ang posibilidad nga nalusutan sang dalaw ang mga jail guard ukon ginpaagi sa pader nga human sa cyclone wire ang item.

Pahayag sini, matapos ang pagbalik niya halin sa suspension gilayon sini ginmando ang Oplan Galugad matapos ginturn-over sang isa ka PDL ang isa ka sachet sang ginaalegar shabu nga nakita sa gina-okupa nga selda.

Dugang pa ni Yngcong, nga ini labing una nga tion nga nakuhaan sang ginaalegar iligal nga droga ang nasambit nga jail facility.

Matandaan nga narekober sa Selda 3 ang isa ka sachet sang ginaalegar shabu, 2 ka sachet sang shabu residue kag drug paraphernalia.