Ginpahayag sang PDP-Laban nga ang bisan ano nga tikang sa pagpanubo sang karon nga 16-vote threshold nga kinahanglanon sa pag-convict sa isa ka impeachable nga opisyal sa Senado mangin supak sa konstitusyon.
Ginpunto sang PDP-Laban nga isa ka pagsupak sa Konstitusyon ang pagtinguha nga panubuon ang 16-vote threshold para sa conviction sa impeachment trial sa Senado.
Suno kay PDP-Laban national spokesman and lawyer Ferdinand Topacio, maathag nga ginamando sang Konstitusyon nga kinahanglan ang 16 ka boto gikan sa bug-os nga miyembro sang Senado para sa isa ka conviction.
Ginlaragway ni Topacio ang 16-vote threshold bilang isa ka “immovable standard,” nga nagapahayag nga ini gintukod agud amligan ang impeachment court gikan sa political manipulation kag interference.
Dugang pa ni Topacio nga ang pagbag-o sang 16-vote requirement ang pwede nga magbukas sang posibilidad sang political manipulation kag dapat suno sa iya nga magdaog ang Konstitusyon kag indi ang political considerations.
