Nakahanda na ang Provincial Disaster Risk Reduction and Management Office (PDRRMO) para sa ano man nga emerhensya sa pagsaulog sang Semana Santa.
Sa interview sang Bombo Radyo kay Atty. Shiela Artillero, head sang amo nga talatapan , iya ginpahayag nga natalana na ang ila deployment kag koordinasyon sa iban nga mga local government units agud masiguro ang kaluwasan sang tanan sa sini nga semana santa.
Suno kay Artillero, ginapanawagan man nila nga likawan ang pagpaligo sa dagat kun wala sang lifeguard agud malikawan ang mga insidente sang pagkalumos.
Dugang pa sini nga nagakdapat nga mag-inom sang madamo nga tubig agud malikawan ang dehydration, labi na sa mainit nga panahon.
Ginpasiguro sang PDRRMO nga naka-alerto ang ila mga personnel para sa ano man nga emerhensya sa bug-os nga probinsya.
