ROXAS CITY – Preparado na ang katapo sang Provincial Disaster Risk Reduction Management Office (PDRRMO)- Capiz agud magresponde kag magbantay sa mga sementeryo sa syudad sa palaabuton nga piyesta minatay sa Nobyembre 1.
Ini ang ginpahayag ni Atty. Sheila Artillero, OIC sang PDRRMO-Capiz sang ma-interview sang Bombo Radyo.
Suno diri, magadeploy na sila sang ila personnel sa mga sementeryo sumugod sa Oktubre 31 partikular sa bahin sang Barangay Cagay kag Banica kun sa diin madamo ang nagapadulong.
Mangin kaupod man nila diri ang katapo sang kapulisan, BFP, kag RCERT agud magbantay.
Kumpleto naman ang ila 3 ka mga ambulansya kag 3 ka teams kun sa diin ongoing sa gihapon ang ila training agud mangin maayo ang resulta sang ila deployment.
Panawagan sini sa pumuluyo nga maghalong kag imentenar ang social distancing kag pagsuksok sang facemask agud malikawan ang anuman nga balatian ilabi na nga maulanon kag may yara na sang kaso sang tipdas sa Cebu.
Mas maayo pa suno diri nga indi na pagdal-on ang kabataan kag iban pa nga may ginasupreher nga balatian sa sementeryo.
