Wala sang may nabalhag nga casualty kag untoward incident ang Capiz Provincial Disaster Risk Reduction and Management Council kadungan sang pag-obserbar sang Semana Santa 2026 sa probinsya.
Sa interview sang Bombo Radyo kay Atty. Shiela Artillero, Head sang Capiz Provincial Disaster Risk Reduction and Management Council, iya ginpahayag nga hugot ang ginpatigayon nga monitoring kag pagbantay sang mga katapo sang talatapan sa pagsigurado sa seguridad sang publiko.
Suno kay Artillero, sa bulig sang mga ahensya kasubong sang Philippine National Police, Bureau of Fire Protection, Philippine Coast Guard kag iban pa, nangin matawhay kag safe ang mga tumuluo sa pagpakigbahin sa nagkalain-lain nga mga relihiyoso nga aktibidad.
Pahayag niya, madamo man sang mga bakasyonista ang nagpadulong sa probinsya agud nga magpamalandong kag mag-obserba sang banal nga kahiwatan sang simbahan.
Dugang pa sang natungdan, nagapabilin nga naka-alerto ang ila nga talatapan sa pagresponde pananglitan nga kinahanglanon.
