ROXAS CITY – Ginkompirmar sang pamunuan sang Provincial Disaster Risk Reduction and Management Office (PDRRMO) nga may mga masunod pa nga batches sang stranded Overseas Filipino Workers (OFW’s) kag seafarers nga magapauli sa probinsiya sang Capiz.
Ini ang ginpahayag ni PDRRMO-Head Judy Grace Pelaez sang mainterview sang Bombo Radyo.
Suno diri nga para sa una nga batch, kapin sa 20 ka mga OFW’s ang magaabot.
Ginpahayag sini nga pag-abot sang mga OFW’s sa siyudad sang Iloilo, diri kag pagatsekyaron ang ila mga dokumento kalakip na ang ila authority to travel kag manifesto.
May pagasakyan ang mga ini nga mga buses kag maga-convoy ang mga katapo sang PDRRMO, Department of Health kag Provincial Health Office sa ila pagpauli sa Capiz.
Mahibaluan nga ang nasambit nga mga OFW’s ang lunsay nag-negatibo na sa COVID-19 sa rapid testing sa Metro Manila kag liwat sila nga ipaidalom sa polymerase chain reaction (PCR) test agud masigurado nga hilway sila sa nasambit nga balatian.
Suno kay Pelaez nga ginaplanuhan naman ang 2nd kag 3rd batch nga magaalabutan nga mga OFW’s.
Para sa mga stranded OFW’s suno kay Pelaez, magpakig-angut lamang sila sa Overseas Workers Welfare Administration (OWWA) kag sa MARINA naman para sa mga seafarers agud makapakig-angut man ang nasambit nga mga ahensiya sa lokal nga gobyerno para sa pagpapauli sa ila.
