ROXAS CITY – Nagapabilin sa red-alert status ang Provincial Disaster Risk Reduction and Management Office kadungan sang paglaslas sang bagyo nga Tisoy sa probinsiya sang Capiz.
Ini ang ginpahayag ni PDRRMO-Head Judy Grace Pelaez sang mainterview sang Bombo Radyo.
Suno kay Pelaez, nakahanda na ang ila nga hanay sa pagresponde sa mga pumuluyo nga magakinahanglan.
Mangin ang magkatuhay nga mga Municipal Disaster Risk Reduction and Management Council (MDRRMC) sa mga kabanwahanan suno kay Pelaez ang nakaalerto naman para sa pagbulig sa mga maapektuhan sang bagyo.
Sa karon suno kay Pelaez, wala pa sang napagkit nga mga evacuees sa segundo-distrito sang probinsiya.
Samtang sa premier-distrito naman, may mga evacuees sa banwa sang Pilar kag Panay nga gikan sa mga coastal barangays, ginpangsaylo sa mga evacuation centers kag housing units sang National Housing Authority (NHA).
Nagapabilin naman nga ‘passable’ ang mga dalanon sa probinsiya sang Capiz.
Suno kay Pelaez nga target nila karon ang zero-casualty sa bagyo nga Tisoy gani nagpanugyan ini sa publiko nga mag-kooperar sa tion nga ginapanugyanan sila nga magbiya sa ila tagsa ka mga lugar.
Sa mga magakinahanglan sang bulig suno kay Pelaez, mahimo lamang mag-contact sa mga numero 0998-793-7374 ukon 6217-259, ukon mahimo man mag-contact sa Capiz Emergency Response Team (CERT) sa numero 0930-7012-206.
