Nagpahanumdom ang Capiz Provincial Disaster Risk Reduction and Management Unit (PDRRMU) sa mga pumuluyo, ilabi na ang nagapuyo sa mga landslide-prone kag coastal areas, nga mangin alerto kag maghanda sa posible nga epekto sang Bagyong Inday.
Sa interview sang Bombo Radyo kay Atty. Sheila Artillero, head sang Capiz PDRRMU, iya ginpahayag nga importante nga preparado ang kada pamilya agud malikawan ang mas daku nga risgo sa tion sang emerhensya.
Suno kay Artillero, daku ang papel sang kada miyembro sang pamilya sa disaster preparedness gani, kinahanglan nga may ihibalo ang tagsa ka mga pamilya sa ila nga himuon sa tion sang kalamidad.
Nagpangabay man ini sa mga ginikanan nga tudluan ang ila mga kabataan kun paano magresponde sa nagkalain-lain nga emerhensya.
