Ginpasangkad pa ang Peace and Order Partnership sang Roxas City PNP kag Roxas City Government pinaagi sa kooperasyon sa patag sang peace and order sa tunga sang Philippine National Police Roxas City kag sang Roxas City Government pinaagi sa isa ka courtesy call sang bag-o nga Roxas City PNP Chief PLTCOL Rogelio Tomagtang Jr.
Suno kay City Councilor Fernando Luis Viterbo, bilang SP Chairman sang Committee on Police, Fire and Peace & Order, ginpahayag sini nga ini nga koordinasyon importante agud mapabakod ang kolaborasyon sang lokal nga pamunuan kag pulisya sa pagpangibabaw batuk sa krimen.
Suno sa iya, ang mas malig-on nga partnership magahatag kasiguruhan nga ang Roxas City Sangguniang Panlungsod magapabilin nga aktibo sa pagpanalipod kag pag-una sa seguridad sang pumuloyo sang Roxas City, samtang ginapadayon ang mga programa para sa kalinong kag katawhay sang komunidad.
