ROXAS CITY – Kadungan sang ginpatigayon nga peace covenant signing para sa S.A.F.E National and Local elections subong nga adlaw sang Miyerkules Pebrero 23, 2022 nga ginhiwat sa Immaculate Concepcion Metropolitan Cathedral ginpakita sang mga supporters sang kada partido ang ila suporta sa ginatib-ong nga kandidato pina-agi sa pagsuksok sang mga t-shirts nga naga-duag pula kag asul.
Katuyuan sang aktibidad nga mapabilin ang kalinong kag katawhay sa nagahilapit nga May 2022 election sini nga tuig.
Ginpangunahan ang nasambit nga event sang Commission on Elections (Comelec), Roxas City PNP, Parish Pastoral Council for Responsible Voting (PPCRV) kag DILG.
Naghatag man sang mensahe si Police Lt. Col. Aron Palomo para mapabilin ang kalinong kag katawhay sang eleksyon.
