ROXAS CITY – Ginkumpirma sang pamunuan sang Provincial Environment and Natural Resources Office (PENRO) nga nagpakig-angut na sila sa Department of Environment and Natural Resources (DENR) sa Rehiyon 6 agud ma-trace kag ma-imbestigahan ang lalaki nga responsable sa paghatag sang cobra sa 17-anyos nga solterito nga napatay matapos ginbuntog sang man-ug.
Ginpahayag ni Mr. Ruel delos Reyes, PENRO officer nga ila napadulungan ang balay sang Grade 10 student sa Barangay Bago, kag na-estorya ang pamilya sang biktima.
Apang limitado lamang ang nahibaluan sang pamilya ni Pao pag-abot kay Niño Garcia nga naghatag sang cobra.
Sa pagpadulong sang personnel sa balay sang biktima, may nakita sila nga poster nga Capiz Exotic Keeper.
Bangud diri, nagapati si Delos Reyes nga may grupo sa Capiz nga nagahupot sang mga wildlife animals kag ini ang ila nga gina-imbestigahan sa karon.
Suno pa sa opisyal nga ini pa lamang ang una nga tion nga may ginreport nga nagahupot sang exotic aninmals.
