Ginsiguro sang Pentagon nga magapabilin nga nakasuporta ang US government sa Pilipinas sa anuman nga aspeto.
Sa isa ka press briefing sa US, napamangkot si Pentagon Press Secretary Air Force Maj. Gen. Pat Ryder angut sa nauna nga pahayag ni US Indo-Pacific Command Commander Admiral Samuel Paparo nga mahimu mag-escort ang US sa mga supply mission sang Pilipinas sa West Phil Sea.
Sabat ni Ryder, manguna sa gihapon ang Pilipinas sa mga ginhiwat sini nga mission ukon operasyon sa West Phil Sea, kag magpadayon ang US sa paghatag sini sang ‘significant advisory support’, kaupod na ang pagpain sini sang bulig para maisa-moderno ang Philippine military.
Indi man direkta nga ginsabat ni Ryder kun magpadala ang US sang escort kun hinyuon ini sang Pilipinas apang ginsiguro nga magasuporta ang US sa Pinas bilang kaalyado sini nga pungsod, ilabi na kag asud-asod ang ginhimo nga nga pagharang sang PRC (People’s Republic of China) sa mga lehitimo nga maritime operations sang pungsod.
