Isa ka makahulugan nga selebrasyon sa mga Kristiyano ang Pentecost Sunday bangud ini ang adlaw sang pagpanaug sang Espiritu Santo sa mga apostoles.
Sa interview sang Bombo Radyo kay Fr.Virgilio Fuente Ciudadano Jr.,iya ginpahayag nga ang Pentecost Sunday nagasimbolo sang pagtuman sang promisa ni Hesus nga ipadala ang Espiritu Santo bilang giya kag kusog sang iya mga sumulunod.
Suno kay Fr. Ciudadano, sang nagpanaug ang Espiritu Santo sa mga apostoles, nangin maisog sila sa pagwali sang pulong sang Ginoo kag pagpalapnag sang Kristiyano nga pagtuo bisan sa tion sang kabudlayan kag pagpanghingabot.
Gina-agda man sang natungdan ang publiko nga magpadayon sa pagtuo kag pagpamati sa giya sang Espiritu Santo agud mangin mabakod ang relasyon sang katawhan, sa Ginoo kag sa isigkatawo.
