Nagpanawagan ang Peoples Coalition for Good Governance sang patas kag transparent nga impeachment trial batok kay Vice President Sara Duterte.
Sa interview sang Bombo Radyo kay Wennie Sancho, convenor sang Peoples Coalition for Good Governance, iya ginpahayag nga importante nga hatagan sang kahigayunan ang proseso agud mapakita sa publiko nga ang pagpatuman sang hustisya nga wala nakabase sa pulitika kundi sa kamatuoran kag ebidensya.
Suno kay Sancho, ang impeachment trial dapat himuon nga bukas, patas kag sandig sa Konstitusyon agud mapreserbar ang pagsalig sang publiko sa mga demokratiko nga institusyon sang pungsod.
Gindugang pa sini nga ang Senado, bilang impeachment court, may daku nga responsibilidad nga magpabilin nga neutral kag magdesisyon base sa mga pamatuod nga ipresentar sang duha ka kampo.
Naghingyo man ang natungdan sa publiko nga magpabilin nga mapisan, magrespeto sa rule of law, kag maghulat sa resulta sang patas kag husto nga proseso nga ginapaabot sang Konstitusyon.
