Nagpamatok ang Peoples Coalition for Good Governance sa petisyon ni anay Executive Secretary Vic Rodriguez sa Korte Suprema may kaangtanan sa bag-o nga voting threshold sa impeachment trial ni Vice President Sara Duterte.
Ini matapos nga ginhingyo ni Rodriguez sa Korte Suprema nga ideklarar nga null and void ang Setyembre 23 nga desisyon sang Senate impeachment court nga nagabag-o sang kinahangan nga boto para sa conviction.
Sa bag-o nga ruling, ang mga senador lamang nga legal kag aktwal nga makapartisipar sa impeachment proceedings ang ilakip sa pag-isip sang kinahanglanon nga boto.
Sa interview sang Bombo Radyo kay Wennie Sancho, convenor sang Peoples Coalition for Good Governance, iya ginpahayag nga indi dapat mag-intra ang Korte Suprema sa impeachment trial, magluwas lamang kun may klaro nga grave abuse of discretion ukon pag-abuso sa poder.
Suno kay Sancho, posible nga ginagamit sang legal team ni Vice President Sara Duterte ang mga legal nga tikang agud ma-delay ang impeachment trial.
Nagalaum natungdan nga magapadayon ang impeachment trial agud mahatagan sang hustisya ang mga isyu paagi sa proseso sang impeachment trial.
