Patigayunon subong nga adlaw ang People’s SONA alas-3:00 sang hapon sa atubang sang Dinggoy Civic Center sa syudad sang Roxas, kadungan sang ikalima nga State of the Nation Address (SONA) ni President Ferdinand Marcos Jr.
Sa interview sang Bombo Radyo kay Samantha Faye Herbolario, chairperson sang Anakbayan-Panay, iya ginpahayag nga tinutuyo sang People’s SONA amo ang mapamatian ang matuod nga kahimtangan kag mga ginabatyag sang mga pumuluyo sa sitwasyon sang pungsod.
Ginpahayag man sini, indi maayo ang Pax Silica Initiative sa pungsod bangud posible ini nga magadala sang negatibo nga epekto sa komunidad.
Suno pa ni Herbolario, kinahanglan nga padayon nga pagatutukan sang mga Pilipino ang mga alegasyon sang korapsyon nga ginapangatubang sang pila ka mga senador, kongresista kag iban pa nga mga opisyal sang gobyerno, ilabi na sa flood control projects.
