ROXAS CITY – Ginhatagan sang 10 out of 10 nga score ni Maayon Mayor kag LMP President sang Capiz Chapter Raymund Malapajo, ang nangin ika-duha nga State of the Nation the Address (SONA) ni Presidente Ferdinand “Bongbong” Marcos Jr.
Suno kay Malapajo, perfect nga score ang iya ginhatag sa Presidente bangud kumplitos rekados ang ginpakita nga performance sang Presidente kag nakita sini ang pagtinguha kag dedikasyon sa iya responsibilidad bilang ginakabig nga isa ka amay sang Pilipinas.
Ginklaro man sang alkalde sa mga nagahatag kag nagahaboy sang negatibo nga sabat batuk kay Marcos nga mangin bukas ang pa-ino-ino bangud kun paminsaron kag isipon sa sulod sang isa ka tuig, indi basta-bsta nga masolbar ang tanan nga problema nga ginbilin kag ginapangatubang sang pungsod.
Ginalantaw sini nga basehan, ang pagpamuno sang isa ka alkalde iya banwa nga kun lantawon indi man insigida masolbar kag mahatag ang kinahanglanon sang iya nasakupan.
Gindayaw man ni Malapajo ang hinimuan sang Presidente ilabi na sa paghatag sang importansya sa edukasyon kag pagtutok sa ikaayong lawas.
Subong man ang Kadiwa Store kun sa diin may yara na sang masobra 1,000 sa bug-os nga kalibutan.
Gani, panugyan sini nga hatagan pa sang tion kag suportahan na lamang bangud ang pungsod isa ka demokrasya kun sa diin kinahnaglan suno diri nga magbuligay kag magkooperar ang tagsa-tagsa.
