-- ADVERTISEMENT --
Indi makabulig ang desisyon sang China nga magpatuman sang sanctions batuk kay Defense Secretary Gilberto Teodoro bangud nagadugang lamang ini sang tensyon sa tunga sang duha ka pungsod.
Suno sa Presidente, wala ini nagaduso sa pagsolbar sang kinagamo sa West Philippine Sea kag mahimo pa nga magdugang ang risgo sang indi pag-intindihanay ukon mas malala pa nga mga insidente.
Ginhatagan pagtamod ni Pres. Marcos nga padayon nga ginapabilin sang Pilipinas ang bukas nga komunikasyon sa Beijing sa lebel sang gobyerno, negosyo kag iban pa nga sektor agud mabuhinan ang tensyon.
Dugang pa niya, ang pagsirado sang isa pa ka linya sang komunikasyon, ilabi na sa tunga sang defense ministry, indi makabulig sa sini nga katuyuan.
