Pasakaan sang kaso nga electoral sabotage ang responsable sa pag-pre-shade sang mga balota sa 36 ka precincts sa Maluso, Basilan, nga mahimo magresulta sa life imprisonment, suno sa Comelec.
Suno kay Comelec spokesperson John Rex Laudiangco, nakilala na nila ang responsable pero wala anay ginpahayag ang iya identidad bangod padayon pa ang imbestigasyon.
Ginapangita man sang mga awtoridad ang mga kandidato nga posible nga imbolbado sa pre-shaded ballots kag mahimo man sila ma-disqualify.
Padayon ang pagboto sa 36 ka precincts sa Maluso matapos mag-abot ang bag-o nga mga balota nga ginpanagtag sa mga miyembro sang electoral board.
Ginklaro ni Comelec Chair George Garcia nga ini amo ang pagpadayon sang eleksyon kag indi pag-reset ukon pag-postpone sang pagboto.
