Nagpaandam ang Public Employment Service Office (PESO)-Capiz sa publiko nga maghalong sa mga illegal recruiter, ilabi na sa mga nagahatag sang job offers kag nagapangayo sang personal nga impormasyon paagi sa online applications.
Suno kay John Leo Marco Beldia, PESO Manager sang Capiz, importante nga mangin vigilant ang mga job seeker sa pagpangita sang trabaho, ilabi na ang mga nagaplano magtrabaho sa gwa sang pungsod.
Samtang sa pihak nga bahin magapatigayon ang PESO-CAPIZ sang World Café of Opportunities: Career and Skills Expo 2026 nga natalana sa Agosto 21, 2026, sa diin madamo sang trabaho nga nagahulat sa mga aplikante.
Suno sa pa natungdan nga kon indi na masarangan sang mga aplikante nga matapos ang proseso kag makasumiter sang ila mga dokumento sa tion sang job fair, mahimo gihapon ini nga ipasa sang PESO sa mga nagapartisipar nga recruiters para sa nagakaigo nga pagproseso.
Gina-engganyo man ang mga job seeker nga mag-verify anay sang recruitment agency ukon employer antes magsumiter sang personal nga impormasyon ukon magpagwa sang kwarta.
