ROXAS CITY – Nagpahanumdom ang Public Employment Service Office (PESO) Capiz sa publiko nga usisaon gid sang husto kun lehitimo ang mga recruitment agency nga nagatanyag sang trabaho sa iya.
Ini ang ginpahayag ni Mr. John Beldia sang PESO-Capiz sang mainterview sang Bombo Radyo.
Ini ang kasunod sang pagtuhaw sang kapin 261 ka mga biktima sang illegal recruiter nga sanday Ramilyn Andrade kag live-in partner sini nga isa ka Korean national nga si Kim Taehyeong.
Suno kay Beldia madamo sang pamaagi agud ma-verify ang ka-lehitimo sang isa ka recruiter.
Mahimo suno sa iya nga magpadala sang mensahe sa website ukon facebook page sang mga government agencies kapareho sang Philippine Overseas Employment Administration (POEA), Overseas Workers Welfare Administration, PESO kag iban pa.
Mahimo man suno diri nga personal nga magpadulong sa ila nga talatapan.
Ginpahayag ni Beldia nga ang pag-trabaho sa iban nga pungsod kapareho sang Korea ang government-to-government transaction gani dapat nga POEA dapat direkta nga naga-apply ang isa ka aplikante.
