Madinalag-on ang ginhiwat nga Labor Day Job Fair sang Public Employment Service Office (PESO) Local Government Unit Capiz, kadungan sa ika-123 nga pagsaulog sang Labor Day, isa ka dako nga Mall sa syudad sang Roxas,kahapon nga adlaw.
Sandig sa pahayag ni Mr. John Leo Marco Beldia,Peso Manager-Capiz Provincial Government, may yara sang 21 ka kompaniya para sa local employment nga may 4,500 ka mga bakante nga trabaho para sa 55 ka mga posisyon, may yara man sang anum ka overseas employment agencies nga may masobra sa 2,000 ka mga bakante para sa 85 ka nanuhay-tuhay nga trabaho.
Nag bukas ang job fair takna alas-9:00 sang aga kahapon nga adlaw kag nagtakop ini alas-5:00 sang hapon.
Yara ang presensya ni Capiz Governor Fredenil Castro kag Vice Governor Mitang Magbanua sa opening program sang Labor Day Job Fair.
Ginpakigbahin kag ginpasalamatan man ni Mr.Beldia ang nagpartisipar sini nga kahiwatan kasubong sang DOLE Capiz, TESDA, LGU Capiz, Participating Companies kag PNP.
Dugang sini, Gina-encourage man sang PESO-LGU CAPIZ ang bag-o gradwar nga mag-apply sa Government Internship Program nga gina-offer sang DOLE kadungan sang Labor Day Jobs Fair.
Panugyan pa ni Beldia nga kon wala sang makita nga bakante nga trabaho nga naga-angut sa ila kurso ukon experyensya nga kinahanglan lang sang mga aplikante nga indi madulaan sang paglaum kag magtinguha para sa ila pamilya ukon kaugalingon.
