Ginahingyo sang Sugar Regulatory Administration (SRA) kay Department of Agriculture (DA) Secretary Francisco Tiu Laurel Jr., nga padasigon ang pag-issue sang Fertilizer and Pesticide Authority (FPA) permits para sa mga sugarcane.
Kinahanglan sang Sugar Regulatory Administration ang amo nga clearance agud makabakal ang ila talatapan sang P15 milyon nga balor sang Pesticide nga pagagamiton agud mabatuan ang Red Stripe Soft Scale Insect (RSSI) nga naga-infest sa mga sugarcane farms sa Negros kag Panay Island.
Suno kay SRA Administrator Pablo Luis Azcona, ang permit ang magadeklarar sang clearance para sa procurement sang isa sa mga pestisidyo nga ginagamit sang ila talatapan nga tradisyonal nga ginagamit sa kalamay.
Samtang, sa tion nga ma-isyu na ang permit, gilayon nga baklon ang mga Pesticides kag iga-assign sa pagtratar sang halos 3,394.82 ektarya nga duta sang tubo nga apektado sang RSSI.
