Sulod na sa quarterfinals sang Women’s 57 kg. division nga si Pinay boxer Nesthy Petecio sa nagapadayon nga 2024 Paris Olympics.
Ini ang matapos nga napaslawan sini si Amina Zidani sang France sa Round 16 pinaagi sang majority decision.
Sa una nga round, abanse si Zidani kag pagsugod sang second round, tunga ang nangin puntos sang mga judges sa duha.
Wala na ginpanbay-an pa ni Petecio nga mausik ang ginpangabudlayan sini nga makasulod. Sa third round, ginpaulanan ni Petecio sang mga sumbag ang kontra nga boksingero sang France.
Gin-ako sang Tokyo Olympics silver medalist nga nabudlayan siya sa nangin hampang, may mga pila sila ka plano nga ginpagana sini sa last round agud magdaog sa nasambit nga hampang.
Nagpasalamat naman ini sa mga Pinoy fans nga nag-abang sa iya nga hampang.
