Nagapati ang Philippine Economic Zone Authority (PEZA) nga ila malab-ot ang tuigan nga investment target sa pungsod.
Ginpahayag ni PEZA director general Tereso Panga nga apisar manubo ang una nga semester sang investments nga naaprubahan sang PEZA, wala nadula ang ila pagsalig nga malab-ot ang P200 bilyon tubtob P250 bilyon nga annual investment.
Sa una nga semester, naglab-ot lamang sa P45.48-B ang mga investments nga ila naaprubahan kun sa diin 44 percent nga mas manubo sa P80.59-B sadtong nakaligad nga tuig sa kapareho nga bulan.
Nagapati man ang opisyal nga sarang malab-ot ang investment approval goal subong nga tuig bangud sa projections sang madamo nga mga ekonomista kag ang credit ratings sang mga institusyon nga maganami ang ekonomiya sa ikaduha nga bahin sang tuig.
