Nagpanawagan ang Embahada sang Pilipinas sa Tel Aviv nga temporaryo nga ipaiway ang non-essential travel sa Israel.
Sa abiso sang embahada, ginsiling sini nga kinahanglan i-postpone indefinitely ang indi importante nga biyahe ukon tubtob nga mangin stable na ang seguridad sa nasambit nga pungsod.
Kalakip man sa ginhinyo sang Embahada nga ipaiway man ang mga biyahe kalakip na ang pilgrimage kag volunteer work.
Sa mga indibiwal naman nga maglapas sa amu nga pagsulundan mahimo nga ma-offload nagikan sa ila tagsa ka mga flights.
Samtang, ginganyat man sang Embahada ang tanan nga mga Pilipino nga iprayoridad ang kaluwasan kag seguridad kag magsunod sa abiso.
Ang nasambit nga pahayag matapod ang nagapadayon nga
giyera sa Israel kag Hamas sa Gaza sa sulod na sang masobra 7 ka bulan.
