Phase 2 dry goods section sang TATC, target nga matapos antes magtakop ang 2022

ROXAS CITY – Makasaylo na sa labing madali nga panahon ang mga vendors nga nauna nga gin-relocate bangud sa pagrenovate sang Phase 2, sang dry good section sang Teodoro Arcenas Trade Center (TATC).

Ini ang ginpahayag ni Mrs. Heloise Mendoza, TATC administrator sang mainterview sang Bombo Radyo.

Suno diri, target sang city government nga antes magtakop ang tuig 2022, makabalhin na ang tanan nga vendors sa ila mas ginpanami kag komportable nga puwesto.

Nagpasalamat man si Mendoza sa alkalde, bangud sa madasig nga pagpaubra sang nasambit nga merkado.

Matandaan nga nauna nga ginrenovate ang fish section sang TATC kag natigayon nga makhalin ang mga vendors ssang bulan sang Marso, sini nga tuig.