Ginsiguro sang Philippine Health Insurance (Philhealth) nga bukas ang access sang mga pumuluyo sa dengue coverage kasunod sang padayon nga pagtaas sang mga kaso sang dengue nagikan sa nagkalain-lain nga bahin sang pungsod.
Suno kay PhilHealth Senior Vice President for Health Finance Policy Sector Israel Francis Pargas, may yara sang tatlo ka packages nga mahimu nga pagapilian sang mga naigo sang sakit nga dengue.
Pag-eksplekar ni Pargas, una na diri ang primary care benefit ukon ang konsulta sa amo nga service provider sang Philhealth kun sa diin mahimo makapacheck-up ang mga naka-eksperyensya sang sintomas sang dengue sang libre kag wala sang bayad.
Kalakip naman sa package nga ini ang posible ipahimo nga laboratory tests nga makuha man sang libre sa ila nga konsulta provider.
