Ginhimo nga triple sang Philippine Health Insurance Corporation (PhilHealth) ang ila hospitalization coverage, kadungan sa pagtaas sang numero sang dengue cases sa pungsod.
Suno sa ahensya, nagikan sa orihinal nga ₱16,000.00, magalab-ot na sa ₱47,000.00 ang mahimo nga mangin reimbursement sang mga pasyente nga iguon sang severe dengue.
Yara naman sa ₱19,500.00 ang ma-cover para sa mga pasyente nga may yara sang mild dengue, kung sa diin mas mataas kung ikumparar sa orihinal nga ₱10,000.00 nga limit.
Matandaan una na nga ginsiling sang Department of Health (DOH) nga ila ginalauman nga yara pa sa walo ka mga lugar sa pungsod ang posible nga magdeklarar sang dengue outbreak.
Ini man ang kadungan sa nangin deklarasyon sang lokal nga gobyerno sang Quezon City sang outbreak sa ila munisipalidad.
Samtang base sa datos sang DOH, yara na sa 28,384 dengue cases ang ila napagkit tubtob Pebrero 1, 2025, mas mataas ini suno diri sang 40% kung ikumparar sadtong 2024.
