Ginpaandaman sang Philippine Coast Guard (PCG) Capiz ang mga nagabiyahe nga magapadulong kag magapauli sa ila mga probinsya nga likawan ang pagsakay sa mga colorum ukon indi otorisado nga sakayan pandagat subong nga tigkalalag.
Sa interview sang Bombo Radyo kay Senior Petty Officer Arnel Nisola, Chief at Arms sang Philippine Coast Guard Capiz, iya ginpahayag nga indi magsakay sa mga nasambit nga mga sahi sang sakayan agud malikawan ang ano man nga sahi sang insidente samtang nagabyahe.
Suno kay Nisola, dapat lang nga magsakay ang mga pasahero sa mga lehitimo kag awtorisado nga mga sakayan pandagat bangud nagapaidalom ini sa inspection antes pahanugutan nga makabyahe.
Pahayag paglayag sa dagat nagapabilin nga matalunsay kag malig-on sa karon kag wala pa sila sang narekord nga kanselado nga mga paglayag.
Nagpanawagan ang natungdan sa mga travelers nga mangin kritikal sa pagpili sang sakayan pandagat kag siguraduhon nga sila ang authorized agud masiguro ang safe travel subong nga Undas 2026.
