Naka-heightened alert ang Philippine Coast Guard-Capiz bilang pagpanghanda sa mas madamo nga pasahero nga ginalauman sa mga pantalan sa probinsya sang Capiz sa tion sang tigkalalag.
Sa interview sang Bombo Radyo kay Senior Chief Petty Officer Arnel Nisola, Chief Master at Arms sang Philippine Coast Guard-Capiz, iya ginpahayag nga nagapadayon ang ila pagpanghanda agud masiguro ang kaluwasan sang mga pasahero nga magaagi sa mga pantalan.
Suno kay Nisola, magapahamtang sila sang help desk sa mga pantalan agud maghatag sang bulig kag impormasyon sa mga pasahero nga magakinahanglan.
Nagpanawagan man ang na sa publiko nga mangin mabinantayon kag magsunod sa mga panugyan sang Coast Guard agud malikawan ang mga insidente samtang nagabiyahe sa tion sang tigkalalag.
