Maga-deploy sang personnel ang Philippine Coast Guard (PCG) agud masiguro ang kaluwasan sang publiko sa Traslacion sa Biyernes, Enero 9.
Suno kay PCG spokesperson Capt. Noemie Cayabyab, ang mga i-deploy magalakip sang mga medical responders, K9 units, search and rescue teams, kag specialized units pareho sang explosive ordinance disposal units, special operations, civil disturbance management, kag deployable response groups.
Magapahamtang man sang patrol boats kag floating assets ang Philippine Coast Guard.
Hugot man ang koordinasyon sang PCG sa Armed Forces of the Philippines (AFP), Philippine National Police (PNP), kag sa lokal government sang Manila para sa matalunsay nga interagency operations.
Nagpanawagan ang Coast Guard sa publiko nga mangin mabinantayon kag magkooperar sa mga otoridad sa tion sang Traslacion.
