Nagpirma sang Memorandum of Agreement (MOA) ang Philippine Coconut Authority (PCA) kaupod ang isa ka pribado nga ospital bilang kabahin sang pagpatuman sang Coconut Farmers and Industry Development Plan (CFIDP).
Suno kay Andy Laurilla, provincial coconut development manager, iya ginpahayag nga ang nasambit nga kasugtanan ang nagatuyo nga mapalapnag pa ang serbisyo, ilabi na sa health programs para sa mga magniniyog nga benepisyaryo sang programa.
Paagi sini, ginapaabot nga mas mapaayo ang access sang mga coconut farmers sa medical assistance kag iban pa nga benepisyo.
Dugang pa sang natungdan, importante ini nga tikang agud masiguro nga ang pondo halin sa coco levy fund magamit sa husto kag may direkta nga benepisyo sa mga mangunguma sang lubi.
